Nes prósimes dates reseñes de llibros.

             Nes prósimes dates vamos aniciar una riestra de reseñes sobre llibros qu'aporten, baxo'l nuestru puntu de vista, una guía pa l'aición del militante del campu popular. Depués de dellos procesos específicos de formación vamos dexar equí pali que pali delles reseñes sobre llibros qu'entendemos positivos na formación política-ideolóxica del nuevu militante del campu popular y del socialismu real. 

En tiempos ónde les nueves tecnoloxíes marquen el paradigma formativu y tamién de comunicación, ensín quitar valir a estes nueves ferramientes, consideramos afayaizu averar a los nuestros llectores a fontes orixinales y facer l'exerciciu formativu de lleer, comprender y facer crítica d'una obra determinada. Consideramos perimportante caltener el vezu de la llectura reflexiva nesta sociedá centrada nel equí y agora. 

La bibliografía propia tien de ser fundamental, ensín cayer nun cultu llector, pa la formación de la nuestra clase. La nuestra llucha como clase dexó y dexa como llegáu la importancia de caltener pa tol mundu unes ferramientes de cultura xeneral y tenemos les propies armes na batalla pol socialismu. Poro, vamos ufrir una riestra d'aproximaciones a delles obres que consideramos perimportantes pa entender el pasáu, el presente y el futuru. 

Tamién abrimos la ventana pa vosotros podáis ufrir les vuestres recomendaciones y faigais llegar a esti humilde espaciu espublizaciones a tener en cuenta. Salú.